యంగ్ హీరో సంతోష్ శోభన్, మానస వారణాసి జంటగా నటించిన యూత్ ఫుల్ రొమాంటిక్ డ్రామా ‘కపుల్ ఫ్రెండ్లీ’ ఓటీటీ విడుదలకు సిద్ధమైంది. వాలెంటైన్స్ డే సందర్భంగా ఫిబ్రవరి 14, 2026న థియేటర్లలోకి వచ్చిన ఈ చిత్రం విమర్శకుల నుంచి మరియు ప్రేక్షకుల నుంచి యావరేజ్ రెస్పాన్స్ రాబట్టుకుంది. ఇప్పుడు డిజిటల్ ప్లాట్ఫామ్లో సందడి చేసేందుకు ముహూర్తం ఖరారు చేసుకున్నట్లు తెలుస్తోంది.
ఈ సినిమా ప్రముఖ ఓటీటీ సంస్థ నెట్ఫ్లిక్స్లో మార్చి 13, 2026 నుండి స్ట్రీమింగ్ అయ్యే అవకాశం ఉంది. కేవలం తెలుగు, తమిళ భాషల్లోనే కాకుండా, ఇతర దక్షిణాది భాషల్లో కూడా ఒకేసారి అందుబాటులోకి వస్తుందని సమాచారం. థియేటర్లలో కంటే ఓటీటీలో ఈ తరహా ప్రేమకథలకు మంచి ఆదరణ లభిస్తుండటంతో, డిజిటల్ రిలీజ్ తర్వాత ఈ సినిమాకు మరింత మెరుగైన రెస్పాన్స్ వస్తుందని చిత్ర యూనిట్ భావిస్తోంది.
అశ్విన్ చంద్రశేఖర్ దర్శకత్వం వహించిన ఈ చిత్రంలో రాజీవ్ కనకాల, యోగి బాబు, గోపరాజు రమణ కీలక పాత్రలు పోషించారు. యువీ కాన్సెప్ట్స్ మరియు విఆర్ గ్లోబల్ మీడియా పతాకాలపై అజయ్ కుమార్ రాజు పి నిర్మించిన ఈ సినిమాకు ఆదిత్య రవీంద్రన్ సంగీతం అందించారు.
