మళయాళ స్టార్ హీరో దుల్కర్ సల్మాన్ కి తెలుగులో కూడా మంచి గుర్తింపు వచ్చింది. ఆయన హీరోగా ఇక్కడ రాణిస్తున్నారు. ఈ క్రమంలోనే మరో డైరెక్ట్ తెలుగు సినిమా “ఆకాశంలో ఒక తార”లో నటిస్తున్నారు. ఈ ప్రాజెక్టు పూజా కార్యక్రమాలతో ప్రారంభమైన సంగతి తెలిసిందే. తెలుగు దర్శకుడు పవన్ సాదినేని దర్శకత్వంలో ఈ సినిమా రాబోతుంది. ఐతే, లేటెస్ట్ అప్ డేట్ ప్రకారం ఈ సినిమా మొదటి షెడ్యూల్ ఈరోజు గుజరాత్లోని అహ్మదాబాద్లో ప్రారంభం కానుంది. ఈ షెడ్యూల్ లో దుల్కర్ పై కొన్ని కీలక సన్నివేశాలను షూట్ చేస్తారట.
కాగా ఈ చిత్రాన్ని మేకర్స్ పాన్ ఇండియా లెవెల్లో తెరకెక్కిస్తుండగా ఈ సినిమాలో కొత్త హీరోయిన్ సాత్విక వీరవల్లి కథానాయికగా నటిస్తోంది. ఇక ఈ సినిమాలో మిగిలిన నటీనటుల గురించి త్వరలోనే వెల్లడించనున్నారు. లైట్ బాక్స్, స్వప్న సినిమాస్, వైజయంతి మూవీస్ మరియు గీతా ఆర్ట్స్ కలయికలో ఈ సినిమా రాబోతుంది. ఈ సినిమా నేపథ్యం చాలా కొత్తగా ఉంటుందని.. ముఖ్యంగా ఇదొక ఎమోషనల్ ఫ్యామిలీ డ్రామా అని తెలుస్తోంది.
