ఇండియన్ సినిమా పరిశ్రమలో ఎన్నో భారీ విజయాలు అందుకున్న స్టార్ డైరెక్టర్ శంకర్, ప్రస్తుతం వరుస పరాజయాల వల్ల క్లిష్ట సమయాన్ని ఎదుర్కొంటున్నాడు. ఆయన గత చిత్రాలు నిర్మాతలకు భారీ నష్టాలను మిగిల్చాయి. దీనికి తోడు, ఆయన ఎంతో కాలంగా కలలు కంటున్న ‘వేల్పారి’ ప్రాజెక్ట్కు కూడా తగిన పెట్టుబడి పెట్టే నిర్మాత దొరకలేదు.
ఈ పరిస్థితుల్లో ఒక వేగవంతమైన యాక్షన్ థ్రిల్లర్ సినిమాను పూర్తి చేయాలని శంకర్ నిర్ణయించుకున్నాడు. ప్రస్తుతం ఆయన ఈ కథకు సరిపోయే నటీనటుల వేటలో ఉన్నాడు. అయితే, ఈ ప్రాజెక్ట్ను పట్టాలెక్కించడానికి కూడా ఆయనకు ఒక నమ్మకమైన నిర్మాత అవసరం ఎంతైనా ఉంది.
వరుస ఫ్లాపులు మరియు లైకా ప్రొడక్షన్స్తో వచ్చిన విభేదాల కారణంగా, ప్రముఖ తమిళ నిర్మాతలు ఎవరూ ప్రస్తుతం శంకర్తో పనిచేయడానికి ఆసక్తి చూపడం లేదు. ఎన్నో అడ్డంకులను దాటుకుని తన నెక్స్ట్ సినిమాను ప్రారంభించడం ఇప్పుడు శంకర్కు ఒక పెద్ద సవాలుగా మారింది.