నూతన దర్శకుడు అనిల్ పాదూరి దర్శకత్వంలో డాషింగ్ డైరెక్టర్ పూరి జగన్నాథ్ కుమారుడు ఆకాష్ పూరి హీరోగా చేస్తోన్న తాజా సినిమా ‘రొమాంటిక్’. కాగా శరవేగంగా షూటింగ్ జరుపుకుంటున్న ఈ సినిమా సెట్స్‌ లో అగ్ని ప్రమాదం జరిగింది. అయితే ఈ అగ్ని ప్రమాదంలో ఎవరికి గాయాలు కాలేదు. మంటలు అంటుకున్న వెంటనే సెట్స్ లో ఉన్నవారు వెంటనే తేరుకొని మంటలను ఆర్పేశారు. ఇక ప్రస్తుతం జరుగుతున్న షెడ్యూల్ లో కీలకమైన సన్నివేశాలను చిత్రీకరిస్తోన్నట్లు తెలుస్తోంది.

ఈ సినిమాలో ఆకాశ్ పూరి సరసన కేతికా శ‌ర్మ హీరోయిన్ గా నటిస్తోంది. రీసెంట్ గా విడుదలైన ఈ సినిమా ఫస్ట్ లుక్ పోస్టర్ బాగా వైరల్ ఆయిన సంగతి తెలిసిందే. హీరోయిన్ కేతిక టాప్ లెస్ గా హీరోని కౌగిలించుకోవడం.. ఘాడమైన ప్రేమలో ప్రపంచాన్ని మర్చిపోయిన ప్రేమ జంటగా వీరిద్దరూ కనిపించడంతో పోస్టర్ యూత్ ను బాగా ఆకట్టుకుంది.

కాగా ఈ సినిమా మాఫియా నేపథ్యంలో ఓ ప్రేమ కథగా తెరకెక్కనుందట. మరి ఈ సినిమాతోనైనా ఆకాష్ పూరికి హిట్ వస్తోందేమో చూడాలి. ఈ రొమాంటిక్ మూవీలో బాలీవుడ్ నటి మందిరా బేడీ ఓ కీలక పాత్రలో నటిస్తుందట పూరి జ‌గ‌న్నాథ్ టూరింగ్ టాకీస్‌, పూరి కనెక్ట్స్ ప‌తాకాల‌ పై పూరి జ‌గ‌న్నాథ్‌, ఛార్మి ఈ చిత్రాన్ని సంయుక్తంగా నిర్మిస్తున్నారు.

అగ్ని ప్రమాదంకి సంబంధించిన వీడియో కోసం ఇక్కడ క్లిక్ చేయండి.