యువ నటుడు విశ్వక్సేన్ హీరోగా చాందిని చౌదరి హీరోయిన్ గా యువ దర్శకుడు విద్యాధర్ కాగిత దర్శకత్వంలో లేటెస్ట్ గా తెరకెక్కిన యాక్షన్ అడ్వెంచర్ మూవీ గామి. ఇక ఇటీవల బాగా అంచనాలతో థియేటర్స్ లో ఆడియన్స్ ముందుకి వచ్చిన ఈ మూవీ పర్వాలేదనిపించే విజయం అందుకుంది.
ఈ మూవీని కార్తీక్ కల్ట్ క్రియేషన్స్, వి సెల్యులాయిడ్, విఆర్ గ్లోబల్ మీడియా, శ్వేత వాహిని స్టూడియోస్ లిమిటెడ్, క్లౌన్ పిక్చర్స్ సంస్థల పై కార్తీక్ శబరీష్, శ్వేతా మొరవనేని గ్రాండ్ గా నిర్మించారు. విషయం ఏమిటంటే, తాజాగా జీ 5 ద్వారా ఓటిటి ఆడియన్స్ ముందుకి వచ్చిన గామి మూవీ మంచి రెస్పాన్స్ తో టాప్ లో కొనసాగుతోంది. మొత్తంగా తమ మూవీకి ఓటిటి ఆడియన్స్ నుండి బాగా స్పందన లభిస్తుండడంతో గామి టీమ్ ఆనందం వ్యక్తం చేస్తోంది.