గ్యాంగ్స్ ఆఫ్ గోదావరి అనేది రాబోయే గ్రామీణ యాక్షన్ డ్రామా. ఇందులో మాస్ కా దాస్ విశ్వక్ సేన్, నేహా షెట్టి మరియు అంజలి ప్రముఖ పాత్రలు పోషిస్తున్నారు. రిలీజైన ప్రచార చిత్రాలతో సినిమా పై మంచి అంచనాలను సొంతం చేసుకుంది. ఈ చిత్రం ఈ శుక్రవారం థియేటర్లలోకి రానుంది. తాజాగా ఈ చిత్రం సెన్సార్ కార్యక్రమాలను పూర్తి చేసుకుంది. అదే విషయాన్ని మేకర్స్ సరికొత్త పోస్టర్ ద్వారా వెల్లడించారు. సెన్సార్ బోర్డు వారు చిత్రానికి యూ/ఏ సర్టిఫికెట్ ను అందించారు.
ఈ చిత్రంలో సాయి కుమార్, గోపరాజు రమణ, అయేషా ఖాన్, హైపర్ ఆది తదితరులు కీలక పాత్రల్లో కనిపించనున్నారు. యువన్ శంకర్ రాజా సంగీతం అందించిన ఈ చిత్రాన్ని సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ పతాకాల పై నిర్మించడం జరిగింది. ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.