‘చెలి’, ‘ఘర్షణ’, ‘ఏం మాయ చేసావే’ సినిమాలతో తెలుగు ప్రేక్షకులకు చేరువైన దర్శకుడు గౌతం మీనన్ ఇప్పుడు గాయకుడి అవతారమెత్తాడు. తెలుగులో ‘గౌరవం’ సినిమాని తీసిన రాధా మోహన్ తెరకెక్కిస్తున్న తమిళ చిత్రం ‘ఉప్పు కరువాడు’ సినిమాలో ఒక పాట పాడినట్టు సమాచారం. ఈ చిత్ర సంగీత దర్శకుడు స్టీవ్ ఎంతో కష్టపడి గౌతం చేత పాట పాడించడానికి అంగీకరించినట్టు సమాచారం.
ఈ సందర్భంగా దర్శకుడు మాట్లాడుతూ గౌతం గాన ప్రతిభ నాకు తెలుసని, పార్టీలలో పాడిన విధానం ఆశ్చర్యపరుస్తుందని తెలిపాడు. దర్శకులిద్దరికీ సంగీత దర్శకుడు మంచి స్నేహితుడు కావడంతో ఈ కాంబినేషన్ సాధ్యపడిందని తెలుస్తుంది. మదన్ రచించిన ఈ పాటలో జీవితం గురించి ఆలపించినట్టు సమాచారం