గత రాత్రి దర్శకుడు అనిల్ రావిపూడి టాలీవుడ్ లోని కొందరు సన్నిహితులకు మరియు సరిలేరు నీకెవ్వరు మూవీ నటులకు పార్టీ ఇచ్చినట్లు సమాచారం. ఆయన దర్శకత్వంలో తెరకెక్కుతున్న సరిలేరు నీకెవ్వరు చిత్ర షూటింగ్ తుది దశకు చేరడమే ఇందుకు కారణం అని తెలుస్తుంది. ఈ పార్టీలో హీరో రామ్, సరిలేరు నీకెవ్వరు హీరోయిన్ రష్మిక మందాన, యాంకర్ అనసూయ లతో పాటు, కమెడియన్ శ్రీనివాస రెడ్డి, దర్శకులు వంశీ పైడిపల్లి, గోపీచంద్ మలినేని, మెహర్ రమేష్ పాల్గొన్నారు.

ఐతే హీరో రామ్ ఈ పార్టీకి హాజరుకావడం విశేషత సంతరించుకుంది. అనిల్ రావిపూడి విందులో రామ్ కనిపించడంతో భవిష్యత్తులో వీరిద్దరు కలిసి సినిమా చేసే అవకాశం ఏమైనా ఉందా అనే అనుమానం కలుగుతుంది. ఇక రామ్ ప్రస్తుతం కిషోర్ తిరుమల దర్శకత్వంలో రెడ్ మూవీలో నటిస్తుండగా ఇది ఓ తమిళ చిత్రానికి రీమేక్. ఈ చిత్రంలో రామ్ డ్యూయల్ రోల్ చేస్తుండడం విశేషం. ఇక ఈఏడాది హీరో రామ్ ఇస్మార్ట్ శంకర్ మూవీతో సూపర్ హిట్ అందుకున్నారు.