ఐకాన్ స్టార్ అల్లు అర్జున్, బ్లాక్‌బస్టర్ దర్శకుడు అట్లీ కలయికలో రూపొందుతున్న మెగా బడ్జెట్ పాన్‌ ఇండియా చిత్రం AA22xA6 భారీ అంచనాల మధ్య ముందుకు సాగుతోంది. ‘పుష్ప’ సిరీస్ గ్రాండ్ విక్టరీ తర్వాత, స్కేల్‌, కాస్టింగ్‌, గ్లోబల్ రీచ్ పరంగా ఈ సినిమా మరింత పెద్ద స్థాయిని టార్గెట్ చేస్తోంది.

ప్రస్తుతం ఈ చిత్రానికి సంబంధించిన కీలక షెడ్యూల్ ముంబైలో జరుగుతోంది. దాదాపు రూ.1000 కోట్ల బడ్జెట్‌తో రూపొందుతున్న ఈ ప్రాజెక్ట్, భారతీయ సినిమాల్లోనే అత్యంత ఖరీదైన వాటిలో ఒకటిగా నిలవనుంది. షూటింగ్ దశలవారీగా సాగుతుండటంతో, అల్లు అర్జున్ హైదరాబాద్-ముంబై మధ్య తరచూ ప్రయాణాలు చేస్తున్నారు.

ఈ సినిమాకు అన్ని భాషల డిజిటల్ హక్కుల కోసం నెట్‌ఫ్లిక్స్ రూ.600 కోట్లకు పైగా చర్చలు జరుపుతోందన్న వార్తలు హాట్ టాపిక్‌గా మారాయి. దీపికా పదుకొనే, జాన్వీ కపూర్, రష్మిక మందన్న, మృణాల్ ఠాకూర్ వంటి స్టార్ కాస్ట్‌తో పాటు హాలీవుడ్ వీఎఫ్‌ఎక్స్ నిపుణుల భాగస్వామ్యం ఈ సినిమాపై అంచనాలను మరింత పెంచుతోంది. సన్ పిక్చర్స్ నిర్మిస్తున్న ఈ చిత్రం 2026లో షూటింగ్ పూర్తి చేసి, 2027 సమ్మర్‌లో విడుదలకావాలని మేకర్స్ ప్లాన్ చేస్తున్నారు.