తన గ్లామర్ తో తెలుగు మరియు తమిళ ప్రేక్షకులని అమితంగా ఆకట్టుకున్న తార శ్రియ సరన్. చాలా కాలం తర్వాత శ్రియ తెలుగు తెరపై ఇటీవలే విడుదలైన ‘లైఫ్ ఈజ్ బ్యూటిఫుల్’ చిత్రంలో కనిపించారు. మన కథానాయికలు ఎక్కువగా గ్లామర్ మరియు కమర్షియల్ సినిమాలకు ఎక్కువ ప్రాధాన్యం ఇస్తున్నారు. ఎప్పుడో గానీ పాత్రకి ప్రాధాన్యం ఉన్న సినిమాలు చేయడంలేదు ఇదే విషయాన్ని శ్రియ ముందు ప్రస్తావితే ‘ నేను మాత్రం దానికి వ్యతిరేకిని ఎందుకంటే ఇప్పుడు పాత సినిమా కథలు మరియు కేవలం వాణిజ్య విలువలున్న మాస్ మసాల సినిమాలను ప్రేక్షకులను అంతగా ఆదరించడం లేదు. ప్రేక్షకులు కొత్త రకమైనవి మరియు వాస్తవాన్ని అందంగా చూపించే సినిమాలని కోరుకుంటున్నారు. కథానాయికలకు కమర్షియల్ సినిమాల కంటే కూడా నటనకు ప్రాధాన్యం ఉన్న సినిమాలు చేస్తేనే ఎక్కువ గుర్తింపు వస్తుంది. నేను చేసిన ‘మిడ్ నైట్ చిల్డ్రన్’ సినిమా నా మనసుకి హత్తుకుంది. అలాంటి సినిమాలు వస్తే చేయడానికి నేను ఎప్పుడూ సిద్దమే అని’ శ్రియ అన్నారు. ప్రస్తుతం శ్రియ ‘చంద్ర’ అనే కన్నడ సినిమాలో నటిస్తోంది. ఈ చిత్రంలో శ్రియ యువరాణి పాత్రను పోషిస్తున్నారు.