అల్లరి నరేష్ తాజాగా ఆ ఒక్కటీ అడక్కు మూవీ ద్వారా ఆడియన్స్ ముందుకి వచ్చేందుకు సిద్ధమయ్యారు. ఈ మూవీని మల్లి అంకం తెరకెక్కించగా చిలక ప్రొడక్షన్స్ బ్యానర్ పై రాజీవ్ చిలక నిర్మించారు. ఇక ఈ మూవీ మే 3న విడుదల కానుంది. ఈ సందర్భంగా ఒక మీడియా ఇంటర్వ్యూలో తన నెక్స్ట్ ప్రాజక్ట్స్ గురించి అల్లరి నరేష్ ఇంట్రెస్టింగ్ కామెంట్స్ చేసారు. ప్రస్తుతం సుబ్బు దర్శకత్వంలో బచ్చల మల్లి మూవీ చేస్తున్నారు నరేష్
ఈ సినిమాలో తాను ఒకింత సీరియస్ పాత్రలో నటించనున్నానని అన్నారు. తనది మూర్ఖత్వానికి పేరుగాంచిన పాత్ర అని, ఒక రకంగా ఆ ఛాలెంజింగ్ పాత్రలో ఆడియన్స్ ని అలరించేలా నటిస్తున్నట్లు నరేష్ చెప్పారు. ఈ సినిమా 90వ దశకం నేపథ్యంలో ఉండనుందట. ఇక దీని అనంతరం మరొక రెండు ప్రాజక్ట్స్ లైన్ లో ఉన్నాయని, త్వరలోనే వాటి పూర్తి డిటైల్స్ కూడా వెల్లడి కానున్నట్లు తెలిపారు. కాగా అవి రెండు కూడా మంచి కామెడీ, ఎంటర్టైన్మెంట్ తో సాగుతాయని తెలిపారు అల్లరి నరేష్.