చిరంజీవి సైరా మూవీ తరువాత హిట్ చిత్రాల దర్శకుడు కొరటాల శివ దర్శకత్వంలో చేయనున్నారు. దర్శకుడు శివ దాదాపు సంవత్సర కాలంగా చిరు కొరకు ఎదురు చూస్తున్నారు. కమర్షియల్ అంశాలతో కూడిన సోషల్ కాన్సెప్ట్ తో రానున్న ఈ చిత్రం చిరంజీవి పుట్టిన రోజైన ఆగస్టు 22న లాంఛనంగా ప్రారంభం కానుంది. చిరు సరసన హీరోయిన్ గా నాయనతార, కాజల్ , శృతి హాసన్ అంటూ అనేక ఊహాగానాలు వస్తున్నప్పటికీ ఎవరు అనేది అధికారికంగా తెలియరాలేదు.

కాగా ఈ మూవీపై మరో ఆసక్తికర వార్త బయటికొచ్చింది. ఈ చిత్రంలో రామ్ చరణ్ కూడా కనిపించనున్నారట.దర్శకుడు కొరటాల శివ రామ్ చరణ్ కొరకు ఓ గెస్ట్ రోల్ రూపొందిస్తున్నారని అని కొందరు అంటున్నారు. చరణ్ కనిపించేది కొద్ది నిమిషాలే అయినప్పటికీ ఆయనది మూవీలో కీలకమైన పాత్ర అని మరికొందరి వాదన. దీనిపై అధికారంగా ఎటువంటి ప్రకటన లేనప్పటికీ ఇండస్ట్రీలో ప్రముఖంగా వినిపిస్తుంది.