‘అలా మొదలైంది’ ఫేం నందిని రెడ్డి దర్శకత్వం వహించిన ‘జబర్దస్త్’ సినిమా ఫిబ్రవరి 22న విడుదలకు సిద్దమైంది. దీనిలో సిద్దార్థ్ , సమంతలు కలిసి నటిస్తున్నారు. 2గంటల 30నిమిషాల నిడివి గల ఈ సినిమాకు సెన్సార్ బోర్డు యు/ఎ సర్టిఫికేట్ ఇచ్చింది. ఇది రొమాంటిక్ కామెడీతో పాటు మాస్ ఫ్లేవర్ కలిగిన సినిమాగా ఇండస్ట్రీలో ఉహాగానాలు వినిపిస్తున్నాయి. ఈ సినిమా చూసిన సెన్సార్ బోర్డు సభ్యులు సమంత క్యారెక్టర్ చాలా బాగుందని, సెకండ్ హాఫ్ సినిమాకే హైలెట్ అంటున్నారు. ఈ సినిమాని బెల్లంకొండ సురేష్ నిర్మించగా థమన్ సంగీతం అందించారు.