యూనివర్సల్ స్టార్ హీరో కమల్ హాసన్ (Kamal Hassan) వరుస భారీ చిత్రాలు చేస్తూ కెరీర్ లో దూసుకు పోతున్నారు. కల్కి చిత్రం లో గెస్ట్ రోల్ లో కనిపించబోతున్నారు. కోలీవుడ్ స్టార్ డైరెక్టర్ శంకర్ దర్శకత్వం లో తెరకెక్కుతున్న ఇండియన్ 2 (Indian2) మరియు ఇండియన్ 3(Indian 3) చిత్రాల పై కూడా కమల్ హాసన్ క్లారిటీ ఇచ్చారు. మంచి చిత్రాన్ని అందించేందుకు టీమ్ చాలా కష్టపడుతోంది అని అన్నారు. ఈ చిత్రాలకి సంబందించిన షూటింగ్ పూర్తి అయ్యింది అని, ప్రస్తుతం పోస్ట్ ప్రొడక్షన్ కార్యక్రమాల్లో ఇండియన్ 2 ఉందని అన్నారు.
క్వాలిటీ విషయం లో రాజీపడే ప్రసక్తే లేదని, ఆలస్యం అయినా మంచి ఔట్ పుట్ ఇవ్వాలనే ఆలోచనలో ఉన్నట్లు పేర్కొన్నారు. ఇండియన్ 2 పోస్ట్ ప్రొడక్షన్ వర్క్ పూర్తి అయిన తరువాత ఇండియన్ 3 చిత్రం పోస్ట్ ప్రొడక్షన్ స్టార్ట్ అవుతుంది అని పేర్కొన్నారు కమల్. అంతేకాక శృతి హాసన్ మరియు లోకేష్ కనగరాజు లు కలిసి పని చేసిన ఒక స్పెషల్ సాంగ్ కి కమల్ లిరిక్స్ రాశారు. ఇనిమేల్ అంటూ సాగే ఈ పాట నేడు రిలీజ్ కానుంది. వీటితో పాటుగా మరికొన్ని ఇంట్రెస్టింగ్ ప్రాజెక్ట్స్ తో బిజీ కానున్నారు కమల్ హాసన్.