తమిళ నటుడు ధనూష్ “వై దిస్ కొలవెరి డీ” అనే పాటతో ఇంటర్నెట్ ప్రపంచం లో ప్రభంజనం సృష్టించారు. ఈ పాట యువతని చాల బాగా ఆకట్టుకుంది యుట్యూబ్ లో కొన్ని లక్షల మంది ఈ వీడియో ని చూసారు.
ఇప్పుడు ఈ పాటకి పేరడిని సునీల్ నటిస్తున్న “పూల రంగడు” చిత్రం లో పెడుతున్నారు. ఈ పేరడి చాలా బాగా వచ్చిందని విశ్వసనీయ వర్గాల సమాచారం. ఈ చిత్రం 2012 సంక్రాంతి కి విడుదల కాబోతుంది. ఇషా చావ్లా ఇందులో కథానాయికగా నటిస్తుండగా వీరభద్రం చౌదరి దర్శకత్వం వహిస్తున్నారు. ఈ చిత్రాన్ని కె.అచ్చి రెడ్డి నిర్మిస్తున్నారు. ఈ చిత్రం లో సునీల్ “సిక్స్ ప్యాక్ బాడి” లో కనిపించనున్నారు.