అక్కినేని అఖిల్ హీరోగా నటించిన తాజా చిత్రం ‘లెనిన్’ బాక్సాఫీస్ వద్ద అద్భుతమైన వసూళ్లతో దూసుకుపోతోంది. వీకెండ్లో బ్లాక్బస్టర్ టాక్ను సొంతం చేసుకున్న ఈ సినిమా, వర్కింగ్ డేస్లోనూ అదే జోరును కొనసాగిస్తూ ట్రేడ్ వర్గాలను సైతం ఆశ్చర్యపరుస్తోంది. కేవలం తెలుగు రాష్ట్రాల్లోనే కాకుండా ఓవర్సీస్లోనూ ఈ చిత్రం సత్తా చాటుతోంది. ముఖ్యంగా అమెరికా మార్కెట్లో ప్రేక్షకులు ఈ సినిమాకు బ్రహ్మరథం పడుతున్నారు.
అమెరికాలో మంగళవారం నాటి ప్రత్యేక ఆఫర్లను ఈ చిత్రం బాగా ఉపయోగించుకుంది. మంగళవారం ఒక్క రోజే 90K డాలర్లు వసూలు చేయడంతో, ఇప్పటివరకు అక్కడ మొత్తం కలెక్షన్లు 697K డాలర్ల మార్కుకు చేరుకున్నాయి. ప్రస్తుతం ఈ సినిమా ప్రతిష్టాత్మకమైన 1 మిలియన్ డాలర్ల క్లబ్ వైపు వేగంగా దూసుకుపోతోంది. వచ్చే రెండో వీకెండ్లో కూడా ఇదే రకమైన వసూళ్లు గనుక సాధిస్తే, చాలా సులభంగా ఈ మైలురాయిని అధిగమించే అవకాశం ఉందని విశ్లేషకులు భావిస్తున్నారు.
మురళి కిషోర్ అబ్బూరు దర్శకత్వంలో తెరకెక్కిన ఈ చిత్రంలో భాగ్యశ్రీ బోర్సే హీరోయిన్ గా నటించింది. మనం ఎంటర్టైన్మెంట్స్ మరియు సితార ఎంటర్టైన్మెంట్స్ బ్యానర్లపై అక్కినేని నాగార్జున, సూర్యదేవర నాగవంశీ సంయుక్తంగా ఈ చిత్రాన్ని నిర్మించారు. శివాజీ, ప్రమోద్ పంజు, ఈశ్వరి రావు, సునీల్, రాంకీ, బ్రహ్మాజీ వంటి భారీ తారాగణం కీలక పాత్రలు పోషించిన ఈ సినిమా, అఖిల్ కెరీర్లో ఒక మంచి విజయంగా నిలిచేలా కనిపిస్తోంది.
