పవర్ స్టార్ పవన్ కళ్యాణ్ నటిస్తున్న మసాలా ఎంటర్టైనర్ చిత్రం ‘గబ్బర్ సింగ్’. ఈ చిత్ర షూటింగ్ శరవేగంగా జరుపుకుంటుంది. బాలీవుడ్ లో సూపర్ హిట్ అయిన ‘దబాంగ్’ చిత్రానికి రిమేక్ గా రూపొందుతున్న ఈ చిత్రంలో పవన్ కళ్యాణ్ కి జోడీగా శృతి హాసన్ నటిస్తుంది. ఫిలిం నగర్ వర్గాల సమాచారం ప్రకారం పవన కళ్యాణ్ ఇమేజ్ కి తగ్గట్లుగా స్క్రిప్టులో భారీ మార్పులు చేసినట్లు సమాచారం. తెలుగు నేటివిటీ ఉండేట్లుగా పలు జాగ్రత్తలు కూడా తీసుకున్నట్లు సమాచారం.
పవన్ కళ్యాణ్ ఫుల్ లెంగ్త్ పాత్రలో నటిస్తూ ఫ్యాన్స్ కి కనువిందు చేయనున్నారు. ఈ చిత్రానికి హరీష్ శంకర్ దర్శకత్వం వహిస్తుండగా పరమేశ్వరా ఆర్ట్స్ బ్యానర్ పై బండ్ల గణేష్ బాబు నిర్మిస్తున్నారు. ఇటీవలే పొల్లాచ్చిలో షూటింగ్ పూర్తి చేసుకున్న ఈ చిత్రం త్వరలో హైదరాబాదులో కొత్త షెడ్యుల్ జరుపుకోనుంది. గబ్బర్ సింగ్ చిత్రానికి దేవి శ్రీ ప్రసాద్ సంగీతం అందించనున్నారు.