దర్శకుడు సందీప్ రెడ్డి వంగా దర్శకత్వంలో రణబీర్ కపూర్ లాంటి టాలెంటెడ్ హీరో కలయికలో వచ్చిన సినిమా యానిమల్. ఈ మూవీ భారీ కలెక్షన్స్ ను సాధించి.. అద్భుత విజయాన్ని సాధించింది. ఐతే, ఈ సినిమా పై ఎన్నో విమర్శలు వచ్చిన సంగతి తెలిసిందే. తాజాగా ఆ విమర్శలపై బాలీవుడ్ నటుడు మనోజ్‌ బాజ్‌పాయ్‌ చేసిన కామెంట్స్ ప్రస్తుతం వైరల్ అవుతున్నాయి. ఇంతకీ, ఆ మనోజ్‌ బాజ్‌ పాయ్‌ ఏం కామెంట్స్ చేశాడంటే.. ‘సినిమా ఎలా ఉండాలి ? అనే విషయంలో చాలామంది వ్యక్తులు ఒకే అంశం పై ఏకీభవించకపోయినా.. నేను ఈ విషయంలో చాలా స్పష్టంగా ఉన్నాను.

మనోజ్‌ బాజ్‌పాయ్‌ ఇంకా మాట్లాడుతూ.. ‘కొన్ని సినిమాలపై బాగా విమర్శలు వస్తుంటాయి. కానీ ఆ సినిమాలు బ్లాక్‌ బస్టర్‌గా నిలుస్తాయి. ఉదాహరణకు ‘యానిమల్‌’ విడుదలైన తర్వాత, ఆ సినిమా ఎంతోమంది విమర్శించారు. అయినా, అది భారీ స్థాయిలో కలెక్షన్స్ ను రాబట్టింది. పైగా 2023 హిట్ చిత్రాల్లో యానిమల్ సినిమా ఒకటిగా నిలిచింది. విమర్శించిన కంటెంట్‌ అందులో ఉందో, లేదో చూడడానికి ప్రేక్షకులు వెళ్లారేమో’ అని మనోజ్‌ బాజ్‌పాయ్‌ చెప్పుకొచ్చాడు.