అభిమన్యు సింగ్, రక్త చరిత్ర లో క్రూరమయిన ప్రతినాయకుడు బుక్కా రెడ్డి పాత్రలో నటించారు. ఈయన ఇప్పుడు పవన్ కళ్యాణ్ చిత్రం “గబ్బర్ సింగ్” లో నటించబోతున్నారు. ఈ మధ్య కాలం లో బెజవాడ చిత్రం లో నటించారు. గబ్బర్ సింగ్ చిత్రం లో ఈయన ప్రధాన ప్రతినాయకుడి పాత్రలో కనిపించబోతున్నారు హింది దబాంగ్ లో ఈ పాత్రను సోను సూద్ పోషించారు. ఈ చిత్రం ఈ మధ్యనే పొల్లాచ్చి లో మూడు వారాల షెడ్యూల్ ని పూర్తి చేసుకొని వచ్చింది. శ్రుతి హాసన్ ఈ చిత్రం లో కథానాయికగా నటిస్తున్నారు. హరీష్ శంకర్ ఈ చిత్రానికి దర్శకత్వం వహిస్తుండగా గణేష్ బాబు చిత్రాన్ని నిర్మిస్తున్నారు. దేవి శ్రీ ప్రసాద్ ఈ చిత్రానికి సంగీతాన్ని సమకూరుస్తున్నారు.