వెంకటేష్ నటిస్తున్న ‘బాడీగార్డ్’ సినిమా ఆడియో ఈ నెల 13న జరగనున్న విషయం తెలిసిందే.డిసెంబరు 13న వెంకటేష్ పుట్టిన రోజు కావడం విశేషం. ఈ రోజు బాడీగార్డ్ చిత్ర నిర్మాత బెల్లంకొండ సురేష్ పుట్టిన రోజును పురస్కరించుకొని ఈ విషయాన్నీ తెలియచేసారు. శిల్ప కళా వేదికలో జరపనున్న ఈ వేడుకకి ప్రభాస్ మరియు వీవీ వినాయక్ అతిధులుగా విచ్చేయనున్నారు. ప్రస్తుతం చివరి షెడ్యుల్ జరుపుకుంటున్న ఈ చిత్రం సంక్రాంతి కానుకగా విడుదల చేయనున్నారు. వెంకటేష్ సరసన త్రిషా నటిస్తుండగా సలోని మరో కీలక పాత్ర పోషిస్తుంది. తమన్ ఈ చిత్రానికి సంగీతం సమకూర్చారు.