నాగ చైతన్య మరో రీమేక్ చేయడానికి సిద్ధమవుతున్నాడా? అవుననే అంటున్నాయి ఫిలిం నగర్ వర్గాలు. కన్నడలో చార్మినార్ పేరుతో గత నెల విడుదలైన సినిమా కర్ణాటకలో విడుదలై ఘన విజయం సాధించింది. కేవలం కోటిన్నర బడ్జెట్ తో తెరకెక్కిన ఈ సినిమాకి ఆర్. చందు దర్శకుడు. నిర్మాత కూడా చందునే. ఈ సినిమా చుసిన నిర్మాత లగడపాటి శ్రీధర్ తెలుగులో నిర్మించేందుకు సన్నాహాలు చేస్తున్నారు. నాగ చైతన్యకి ఈ సినిమాని చూపించినట్లు చైతన్య కూడా సముఖత వ్యక్తం చేసినట్లు సమాచారం. చైతు ప్రస్తుతం ఆటో నగర్ సూర్య, వెట్టై రీమేక్ సినిమాల షూటింగ్లో బిజీగా ఉన్నాడు. ఇవి కాకుండా శ్రీనివాస్ రెడ్డితో మరో సినిమా కూడా చేయనున్నాడు.