భారీ అంచనాల నడుమ రూ. 110 కోట్ల బడ్జెట్తో రూపుదిద్దుకున్న మైథలాజికల్ ఫాంటసీ యాక్షన్ అడ్వెంచర్ చిత్రం ‘నాగబంధం’. జూలై 3, 2026న ప్రపంచవ్యాప్తంగా థియేటర్లలోకి వచ్చిన ఈ సినిమా, ఆశించిన స్థాయిలో ప్రేక్షకులను ఆకట్టుకోవడంలో విఫలమై బాక్సాఫీస్ వద్ద నిరాశపరిచింది. దీంతో థియేట్రికల్ రన్ త్వరగానే ముగియడంతో, విడుదలైన కేవలం 21 రోజుల్లోనే డిజిటల్ ప్లాట్ఫామ్పైకి రావడానికి సిద్ధమైంది.
విరాట్ కర్ణ, నభా నటేష్, ఐశ్వర్య మీనన్ ప్రధాన పాత్రలు పోషించిన ఈ చిత్రానికి అభిషేక్ నామా దర్శకత్వం వహించారు. ఎన్ఐకే స్టూడియోస్, అభిషేక్ పిక్చర్స్ సంయుక్తంగా నిర్మించిన ఈ చిత్రం జూలై 24, 2026 నుండి ప్రముఖ ఓటీటీ సంస్థ అమెజాన్ ప్రైమ్ వీడియోలో స్ట్రీమింగ్ కానుంది. తెలుగుతో పాటు తమిళం, కన్నడ, మలయాళ భాషల్లో ఒకేసారి అందుబాటులోకి వస్తుండగా, హిందీ వెర్షన్పై మాత్రం ఎలాంటి అధికారిక సమాచారం లేదు. ఈ సినిమాలో జగపతి బాబు, మహేష్ మంజ్రేకర్, మురళీ శర్మ, దక్షా నగార్కర్, రిషభ్ సాహ్నీ ఇతర ముఖ్య పాత్రల్లో కనిపించారు.
సాంకేతికంగా ఈ చిత్రాన్ని ఎంతో ప్రతిష్టాత్మకంగా నిర్మించారు. సౌందర్ రాజన్ ఛాయాగ్రహణం అందించగా, జునైద్ కుమార్-అభే సంగీతాన్ని సమకూర్చారు. ప్రముఖ విఎఫ్ఎక్స్ సంస్థలు అందించిన గ్రాఫిక్స్, వ్లాడ్ రింబర్గ్ నేతృత్వంలో వచ్చిన యాక్షన్ ఘట్టాలు చిత్రంలో ప్రత్యేక ఆకర్షణగా నిలిచాయి. బిగ్ స్క్రీన్ పై ఆకట్టుకోలేకపోయిన ‘నాగబంధం’, మరి ఓటీటీలో ఎంత మేరకు మెప్పిస్తుందో చూడాలి.