యంగ్ హీరో శ్రీ విష్ణు, రాహుల్ రామకృష్ణ, ప్రియదర్శి ప్రధాన పాత్రల్లో, డైరెక్టర్ శ్రీ హర్ష కొనుగంటి దర్శకత్వం లో తెరకెక్కిన హారర్ కామెడీ ఎంటర్టైనర్ ఓం భీమ్ బుష్ (Om Bheem bush). ఈ చిత్రం థియేటర్ల లో రిలీజ్ అయ్యి ప్రేక్షకులను విశేషం గా ఆకట్టుకుంటుంది. బాక్సాఫీస్ వద్ద మంచి వసూళ్లతో దూసుకు పోతుంది. వీక్ డేస్ లో కూడా స్ట్రాంగ్ హోల్డ్ ను కనబరుస్తోంది.ఈ చిత్రం క్లీన్ హిట్ కొట్టే అవకాశాలు కనిపిస్తున్నాయి.
తాజాగా ఈ చిత్రం కి సంబందించిన వసూళ్ల వివరాలను మేకర్స్ వెల్లడించారు. ఈ చిత్రం 6 రోజుల్లో 25.20 కోట్ల రూపాయల వసూళ్లను రాబట్టడం జరిగింది. ఈ చిత్రం లో శ్రీకాంత్ అయ్యంగార్, రచ్చ రవి, అయేషా ఖాన్, ప్రీతి ముకుందన్ లు కీలక పాత్రల్లో నటించగా, సన్నీ ఎంఆర్ సంగీతం అందించారు. లాంగ్ రన్ లో ఈ సినిమా మరింత వసూళ్లను రాబట్టే అవకాశాలు కనిపిస్తున్నాయి.