మలయాళ స్టార్ యాక్టర్ పృథ్వీరాజ్ సుకుమారన్ ది గోట్ లైఫ్ మరియు గురువాయూర్ అంబలనాదయిల్ చిత్రాలతో బ్యాక్ టు బ్యాక్ హిట్స్ సాధించారు. మొదటిది ప్రయోగాత్మక చిత్రం కాగా, రెండోది కమర్షియల్ అంశాలతో కూడిన వినోదాత్మక చిత్రం. గురువాయూర్ అంబలనాదయిల్ అన్ని అంచనాలను అధిగమించింది. ట్రేడ్ పండితులను కూడా షాక్ కి గురి చేస్తూ టికెట్ విండోల వద్ద ఊహించలేని విధంగా వసూళ్లను రాబడుతోంది. జయ జయ జయ జయ హే ఫేమ్ విపిన్ దాస్ దర్శకత్వం వహించిన ఈ కామెడీ డ్రామా ఇప్పటికే ప్రపంచవ్యాప్తంగా బాక్సాఫీస్ వద్ద 50 కోట్ల మార్కును దాటింది.
మొదటి సోమవారం 3 కోట్లకు పైగా వసూళ్లు సాధించిన ఈ చిత్రం ఇప్పటి వరకు కేరళలో 20 కోట్లకు పైగా వసూలు చేసింది. గురువాయూర్ అంబలనాదయిల్ అంతర్జాతీయ మార్కెట్‌లలో అద్భుతమైన రన్ సాధిస్తోంది. మలయాళ చిత్ర పరిశ్రమకు ఇది మరో 100 కోట్ల గ్రాసర్‌గా నిలిచే అవకాశం ఉంది. పృథ్వీరాజ్ ప్రొడక్షన్స్ మరియు E4 ఎంటర్టైన్మెంట్ బ్యానర్‌లు నిర్మించిన ఈ చిత్రంలో బాసిల్ జోసెఫ్, నిఖిలా విమల్, అనశ్వర రాజన్, సిజు సన్నీ మరియు యోగి బాబు కీలక పాత్రలు పోషించారు. అంకిత్ మీనన్ స్వరాలు సమకూర్చారు.