మెగాపవర్ స్టార్ రామ్ చరణ్ హీరోగా జాన్వీ కపూర్ హీరోయిన్ గా దర్శకుడు బుచ్చిబాబు సానా కాంబినేషన్ లో చేస్తున్న అవైటెడ్ చిత్రం పెద్ది (Peddi) కోసం అందరికీ తెలిసిందే. ఇక ఈ సినిమా నుంచి వచ్చిన మొదటి సాంగ్ చికిరి చికిరి పెద్ద బ్లాక్ బస్టర్ అయ్యింది. ఇదే రెస్పాన్స్ తో తెలుగు వెర్షన్ సాంగ్ భారీ రీచ్ తో 150 మిలియన్ వ్యూస్ ని దాటేసింది. ఇక ఈ సినిమా నుంచి నెక్స్ట్ సాంగ్ కోసం ఎదురు చూస్తున్న వారికి క్రేజీ బజ్ వినిపిస్తోంది.
ఈ సాంగ్ పై ఓ క్లారిటీ నెలాఖరుకి రానున్నట్టు తెలుస్తుంది. ఇది సాలిడ్ మాస్ నెంబర్ అని ఆల్రెడీ తెలిసిందే. ఇక దీనితో పాటుగా ఓ స్పెషల్ సాంగ్ కూడా ఉంటుంది అని దానికి మృణాల్ ఠాకూర్ కావాలంటూ ఫ్యాన్స్ సోషల్ మీడియాలో హడావుడి చేస్తున్నారు. కానీ అది మృణాల్ ఠాకూరా కాదా అనేది ఇంకా క్లారిటీ రావాల్సి ఉంది. అయితే ఓ స్టార్ హీరోయిన్ నే ఉండొచ్చని తెలుస్తుంది. ఇక ఈ సినిమాకి ఏ ఆర్ రెహమాన్ సంగీతం అందిస్తుండగా వృద్ధి సినిమాస్ వారు నిర్మాణం వహిస్తున్నారు.
