నందమూరి బాలకృష్ణ ప్రస్తుతం తన 98వ సినిమా షూటింగ్ లో బిజీ కానున్నాడు. ఈ సినిమాని ఫిబ్రవరిలో ఫినిష్ చేసి తన 99వ సినిమాని కూడా ఇదే నెలలో మొదలు పెట్టనున్నాడు. టాలీవుడ్ మోస్ట్ వాంటెడ్ రైటర్స్ అయిన గోపి మోహన్ – కోన వెంకట్ కలిసి కథ అందించిన ఈ సినిమాకి శ్రీవాస్ దర్శకత్వం వహించనున్నాడు. ఈ సినిమాని ఈరోస్ ఇంటర్నేషనల్ వారు నిర్మించనున్నారని ఇది వరకే తెలియజేశాం. తాజాగా ఈరోస్ సిఈఓ సునీల్ లుల్ల ఈ సినిమా కోసం ఒక చెక్ ని శ్రీ వాస్ కి అందించాడు. ఆ ఫొటోనే మేము మీకు పైన అందించాం. బాలకృష్ణ 99వ సినిమా రెగ్యులర్ షూటింగ్ మార్చి నుండి ప్రారంభం కానుంది.
