ఇప్పుడు మన టాలీవుడ్ లో ఉన్న యంగ్ అండ్ టాలెంటెడ్ హీరోల్లో సాలిడ్ కం బ్యాక్ కోసం ఎదురు చూస్తున్న హీరోల్లో రాజ్ తరుణ్ కూడా ఒకడు.లేటెస్ట్ గా కొండా విజయ్ కుమార్ కాంబినేషన్లో తెరకెక్కుతోన్న లేటెస్ట్ మూవీ `పవర్ ప్లే`. శ్రీమతి పద్మ సమర్పణలో వనమాలి క్రియేషన్స్ ప్రై.లి పతాకంపై ప్రొడక్షన్ నెం.1గా రూపొందుతోన్నఈ చిత్రాన్ని మహిదర్, దేవేష్ సంయుక్తంగా నిర్మిస్తున్నారు.
ఇప్పటికే విడుదలైన ఫస్ట్లుక్మోషన్ పోస్టర్, టీజర్, ట్రైలర్కి మంచి రెస్పాన్స్ వస్తోంది. ఈ చిత్రాన్ని సమ్మర్ స్పెషల్గా మార్చి 5న గ్రాండ్గా విడుదలచేయనున్నారు. ఈ రోజు వాలైంటైన్స్ డే సందర్భంగా స్పెషల్ పోస్టర్ని విడుదల చేసింది చిత్ర యూనిట్. ఈ రొమాంటిక్ పోస్టర్కి మంచి రెస్పాన్స్ వస్తోంది. ఈ సందర్భంగా…
రాజ్ తరుణ్ మాట్లాడుతూ – “నేను విజయ్గారు కలిసి సరికొత్త జోనర్లో చేస్తోన్న డిఫరెంట్ థ్రిల్లర్ సబ్జెక్ట్ ఇది. కమర్షియల్గా మంచి హిట్ అవుతుందని నమ్మకం ఉంది” అని అన్నాడు.
అలాగే ఈ చిత్ర దర్శకుడు విజయ్ కుమార్ కొండా మాట్లాడుతూ – “ఇటీవల విడుదలైన ట్రైలర్కి మంచి రెస్పాన్స్ వస్తోంది. సినిమా ఔట్పుట్ చాలా బాగా వచ్చింది. డెఫినెట్గా అందర్నీ థ్రిల్ చేస్తుంది” అని అన్నారు.
వీరితో పాటుగా చిత్ర నిర్మాత దేవేష్ మాట్లాడుతూ – “ఈ వాలైంటైన్స్ డే సందర్భంగా పవర్ప్లే టీమ్ తరుపున ఒక కాంటెస్ట్ నిర్వహిస్తున్నాం. మీరు మీ వాలైంటైన్తో కలిసి లవ్ ప్రపోజ్ చేస్తూ ఒక షార్ట్ వీడియో తీసి దానికి @vanamalee_creations ని టాగ్ చేసి మీ సోషల్ మీడియా అకౌంట్స్లో పోస్ట్ చేయండి. ఈ నెల 16వ తారీకు వరకూ మీరు వీడియోస్ పంపొచ్చు. ఫిబ్రవరి 18న ఈ కాంటెస్ట్లో గెలిచిన జంటలు దుబాయ్ ట్రిప్ సొంతం చేసుకుంటారు” అన్నారు.
ఎగ్జిక్యూటివ్ ప్రొడ్యూసర్ పాలపర్తి అనంత్ సాయి మాట్లాడుతూ – “మార్చి 5 ఈ చిత్రాన్ని గ్రాండ్గా రిలీజ్ చేస్తున్నాం” అన్నారు.ఈ చిత్రంలో పూర్ణ, మధు నందన్, అజయ్, కోటా శ్రీనివాసరావు, రాజా రవీంద్ర, ధన్రాజ్, కేదరి శంకర్, టిల్లు వేణు, భూపాల్, అప్పాజీ, రవివర్మ, సంధ్య జనక్ తదితరులు నటిస్తున్నారు.
ఇక ఈ చిత్రానికి కథ-మాటలు: నంధ్యాల రవి, సినిమాటోగ్రఫి: ఐ. ఆండ్రూ, సంగీతం: సురేష్ బొబ్బిలి, ఎడిటింగ్: ప్రవీణ్ పూడి, ఆర్ట్: శివ, ఫైట్స్ : `రియల్` సతీష్, ప్రొడక్షన్ కంట్రోలర్: బి.వి సుబ్బారావు, కో- డైరెక్టర్: వేణు కురపాటి, ఎగ్జిక్యూటివ్ ప్రొడ్యూసర్: పాలపర్తి అనంత్ సాయి, సమర్పణ: శ్రీమతి పద్మ, నిర్మాతలు: మహిదర్, దేవేష్,
స్క్రీన్ ప్లే, దర్శకత్వం: విజయ్ కుమార్ కొండా లు అందిస్తున్నారు.