మెగా పవర్ స్టార్ రామ్ చరణ్ తన చిన్ననాటి స్నేహితురాలు ఉపాసనా కామినేనిని పెళ్లి చేసుకోబోతున్న విషయం తెలిసిందే. వీరి వివాహం హైదరాబాదులో జూన్ 13న వైభవంగా జరగనుంది. డిసెంబర్ 1న వీరి నిశ్చితార్ధం జరిగిన విషయం తెలిసిందే. రిసెప్షన్ మాత్రం స్నేహితులు మరియు ఫ్యాన్స్ మధ్య తిరుపతిలో జరగనుంది. రిసెప్షన్ తేదీ మాత్రం ఇంకా ఖరారు కాలేదు. ప్రస్తుతం రామ్ చరణ్ ‘రచ్చ’ షూటింగ్లో పాల్గొంటున్నాడు. ఈ వేసవిలో సినిమాని విడుదల చేయడానికి సన్నాహాలు చేస్తున్నారు. రామ్ చరణ్ మరియు ఉపాసనలకు శుభాకాంక్షలు తెలియజేస్తున్నాం.