ఎనర్జిటిక్ స్టార్ రామ్ హీరోగా కిషోర్ తిరుమల దర్శకత్వంలో ‘హరికథ’ అన్న వర్కింగ్ టైటిల్తో ఓ సినిమా రూపొందుతోన్న విషయం తెలిసిందే. ‘శివమ్’ సినిమాతో మంచి హిట్ వస్తుందని ఆశించిన రామ్కు ఆ సినిమా అనుకున్నంత విజయాన్ని తెచ్చిపెట్టలేకపోయింది. దీంతో ప్రస్తుతం రామ్ తన పూర్తి శ్రద్ధను హరికథపై ఉంచారు. స్రవంతి రవికిషోర్ నిర్మాణంలో రానున్న ఈ సినిమాలో రామ్ ఎనర్జీకి సరిపడే యాక్షన్ ఎలిమెంట్స్తో పాటు లవ్, కామెడీ అంశాలకు పెద్ద పీట వేశారని తెలుస్తోంది. ఇక ఈ సినిమాకు సంబంధించిన టాకీ పార్ట్తో పాటు ఒక్కపాట మినగా షూటింగ్ మొత్తం పూర్తయింది.
ఇక మిగిలి ఉన్న ఆ ఒక్క పాటను నిన్నట్నుంచి గోవాలో మొదలుపెటనున్నారు. ఈ నెల 26వ తేదీతో రామ్ కొత్త సినిమాకు సంబంధించిన షూటింగ్ మొత్తం పూర్తవుతుంది. ఇక ఈ సినిమాకు మొదట్నుంచే హరికథ అన్న పేరునే ప్రచారంలోకి తెచ్చినా, తాజాగా సినిమా యూనిట్ ‘నేను-శైలజ’ అనే పేరును పరిశీలిస్తున్నట్లు తెలుస్తోంది. ఇక ఈ విషయమై ఈ వారమే ఒక కచ్చితమైన టైటిల్ను విడుదల చేస్తామని దర్శక నిర్మాతలు తెలిపారు. దేవిశ్రీ ప్రసాద్ సంగీత దర్శకత్వంలో రూపొందిన ఆడియోను డిసెంబర్ నెలలో, సినిమాను కొత్త సంవత్సర కానుకగా జనవరి 1న విడుదల చేయాలని టీమ్ ప్లాన్ చేస్తోంది.
