తాజాగా దిగ్గజ దర్శకుడు శంకర్ తో గేమ్ ఛేంజర్ మూవీ చేస్తున్నారు మెగా పవర్ స్టార్ రామ్ చరణ్. ఈ మూవీలో కియారా అద్వానీ హీరోయిన్ గా నటిస్తుండగా శ్రీ వెంకటేశ్వర క్రియేషన్స్ బ్యానర్ పై దిల్ రాజు దీనిని పాన్ ఇండియన్ రేంజ్ లో భారీ వ్యయంతో నిర్మిస్తున్నారు. ఎస్ థమన్ సంగీతం అందిస్తున్న ఈ మూవీ ఈ ఏడాది రిలీజ్ అయ్యే అవకాశం ఉంది. ఇక దీని అనంతరం బుచ్చి బాబు సనతో ఒక భారీ స్పోర్ట్స్ బ్యాక్ డ్రాప్ రూరల్ డ్రామా మూవీ చేయనున్నారు చరణ్.
ఇటీవల అఫీషియల్ అనౌన్స్ మెంట్ వచ్చిన ఈ మూవీని వెంకట సతీష్ కిలారు నిర్మించనున్నారు. విషయం ఏమిటంటే, కొద్దిరోజులుగా ఈ మూవీకి సంబంధించి సంగీత దర్శకుడు ఏ ఆర్ రహమాన్ అద్వర్యంలో దర్శకుడు బుచ్చి బాబు సన మ్యూజిక్ సిట్టింగ్స్ లో పాల్గొంటున్నారట. ఫుల్ స్వింగ్ లో జరుగుతున్న ఈ సిట్టింగ్స్ లో కేవలం మూవీ సాంగ్స్ మాత్రమే కాకుండా బ్యాక్ గ్రౌండ్ స్కోర్ విషయంలో కూడా తగు జాగ్రత్తలు తీసుకునేలా ప్లాన్ చేస్తున్నారట. ఇక త్వరలో షూటింగ్ ప్రారంభం కానున్న ఈమూవీకి సంబంధించిన మరిన్ని అప్ డేట్స్ త్వరలో ఒక్కొక్కటిగా రానున్నాయి.