మెగాస్టార్ చిరంజీవి నటించిన లేటెస్ట్ మూవీ మన శంకర వరప్రసాద్ గారు (Mana Shankara Vara Prasad Garu) మరికొద్ది రోజుల్లో సంక్రాంతి కానుకగా భారీ స్థాయిలో రిలీజ్కు రానుంది. ఈ సినిమాను దర్శకుడు అనిల్ రావిపూడి డైరెక్ట్ చేయగా పూర్తి కామెడీ ఎంటర్టైనర్గా మేకర్స్ ఈ చిత్రాన్ని రూపొందించారు. ఇక ఈ సినిమాతో మెగాస్టార్ మరోసారి బాక్సాఫీస్ దగ్గర తన సత్తా చాటేందుకు రెడీ అవుతున్నారు.
ఇప్పటికే ఈ సినిమా నుంచి వచ్చిన ప్రమోషనల్ కంటెంట్ ఈ సినిమాపై సాలిడ్ బజ్ క్రియేట్ చేసింది. ఇక ఈ చిత్ర ప్రమోషన్స్ను దర్శకుడు అనిల్ రావిపూడి అన్నీ తానై చూసుకుంటున్నాడు. అయితే, ఈ ప్రమోషన్స్లో ఇప్పటివరకు మెగాస్టార్ చిరంజీవి ఎక్కడా కనిపించలేదు. దీంతో ఆయన ఈ ప్రమోషన్స్కు ఎందుకు దూరంగా ఉంటున్నారా..? అనే విషయం సినీ సర్కిల్స్లో హాట్ టాపిక్గా మారింది. కాగా, ఆయన ఇటీవల మోకాలి సర్జరీ చేయించుకున్నారని.. డాక్టర్లు ఆయన్ను ప్రస్తుతం విశ్రాంతి తీసుకోవాల్సిందిగా సూచించినట్లు తెలుస్తోంది.
గతకొద్ది కాలంగా మోకాలి నొప్పులతో బాధపడుతున్న చిరంజీవి ఈ చిత్ర షూటింగ్ ముగియడంతో వెంటనే సర్జరీ చేయించుకున్నట్లు చిత్ర వర్గాల టాక్. ఈ లెక్కన ఆయన మరో నెల రోజుల పాటు విశ్రాంతి తీసుకుంటారని తెలుస్తోంది. దీంతో ‘మన శంకర వర ప్రసాద్ గారు’ ప్రమోషన్స్, రిలీజ్ సమయంలో ఆయన కనిపించకపోవచ్చనే వార్తలు వినిపిస్తున్నాయి. ఈ వార్తలతో అభిమానులు ఆందోళన చెందుతున్నారు. మరి నిజంగానే చిరు, ఈ సినిమా ప్రమోషన్స్లో ఎక్కడా కనిపించరా..? అనే విషయంపై క్లారిటీ రావాల్సి ఉంది.
