‘ఆర్ ఆర్ ఆర్’ మూవీ లో ఎన్టీఆర్ లుక్ ఊహిస్తూ ఓ అభిమాని క్రియేట్ చేసిన పోస్టర్ ఇప్పుడు సోషల్‌మీడియాలో సంచలనం సృష్టిస్తుంది.కోర మీసం,కొద్దిగా పెరిగిన గడ్డం,తలకు ఎర్రని పాగా ధరించి తీక్షణంగా చూస్తున్నట్లున్న ఎన్టీఆర్ లుక్ ఒరిజినల్ లుక్ అని భ్రమింపజేసేలా ఉంది. ఇప్పుడు ఈ ఫ్యాన్ మేడ్ పోస్టర్ సోషల్ మీడియాలో వైరల్ అవుతూ లైక్స్, షేర్స్ తో ప్రభంజనం రేపుతోంది.
దర్శకుడిగా జాతీయ, అంతర్జాతీయ స్థాయిలో క్రేజ్‌ సంపాదించుకున్న రాజమౌళి ప్రతిష్టాత్మకంగా తెరకెక్కిస్తున్న ఈ చిత్రం పై దేశవ్యాప్తంగా భారీ అంచనాలు నెలకొన్నాయి. డివివి దానయ్య భారీ బడ్జెట్ తో నిర్మిస్తున్న “ఆర్ ఆర్ ఆర్” మూవీకి సంగీతం కీరవాణి అందిస్తున్నారు. వచ్చే ఏడాది జులై 30న ప్రపంచ వ్యాప్తంగా భారీగా విడుదల చేయనున్నారు.