గత కొంతకాలంగా సరైన సక్సెస్ కోసం ఎదురుచూసిన హీరో శర్వానంద్, ఈ సంక్రాంతికి ‘నారి నారి నడుమ మురారి’ చిత్రంతో సాలిడ్ హిట్ అందుకున్నాడు. బరువు తగ్గి, తన పాత చార్మ్ను తిరిగి తెచ్చుకున్న శర్వా, ఈ రిఫ్రెషింగ్ మూవీలో అద్భుతమైన నటనతో అలరించాడు. ఈ సినిమా సక్సెస్తో శర్వానంద్ మళ్లీ ట్రేడ్ వర్గాల్లో హాట్ టాపిక్గా మారాడు. ఆయన నటన సినిమాకు ప్రధాన బలంగా నిలవడమే కాకుండా, బాక్సాఫీస్ వద్ద మంచి వసూళ్లను సాధించి శర్వాను తిరిగి ఫామ్లోకి తెచ్చింది.
ప్రస్తుతం శర్వానంద్ నెక్స్ట్ చిత్రం ‘బైకర్’ సమ్మర్ రిలీజ్కు సిద్ధమవుతోంది. ఈ సినిమా విడుదల కంటే ముందే భారీ డీల్స్ క్లోజ్ చేసుకుని రికార్డు సృష్టిస్తోంది. ఈ చిత్రం నాన్-థియేట్రికల్ హక్కులు ఏకంగా రూ.35 కోట్లకు అమ్ముడయ్యాయి. ఇందులో భాగంగా నెట్ఫ్లిక్స్ సంస్థ డిజిటల్ రైట్స్ను రూ. 27 కోట్లకు దక్కించుకుంది. ప్రముఖ నిర్మాత దిల్ రాజు థియేట్రికల్ హక్కులను భారీ ధరకు కొనుగోలు చేశారు. ఈ డీల్స్ ద్వారా నిర్మాణ సంస్థ యూవీ క్రియేషన్స్ అప్పుడే లాభాల్లోకి వెళ్లగా, థియేటర్లలో ఈ సినిమా మంచి విజయం సాధిస్తే దిల్ రాజుకు కూడా భారీ లాభాలు రావడం ఖాయం.
శర్వానంద్ కెరీర్ ఇప్పుడు ఫుల్ స్వింగ్లో ఉంది. ప్రస్తుతం సంపత్ నంది దర్శకత్వంలో ‘భోగి’ షూటింగ్లో పాల్గొంటున్న ఆయన, ఈ ఏడాది చివర్లో ఆ సినిమాను విడుదల చేయనున్నాడు. ఆ వెంటనే శ్రీను వైట్ల దర్శకత్వంలో ఒక ఫుల్ లెంగ్త్ ఎంటర్టైనర్ను పట్టాలెక్కించనున్నాడు. ఈ ప్రాజెక్ట్ను 2027 సంక్రాంతి కానుకగా ప్రేక్షకుల ముందుకు తీసుకురావాలని ప్లాన్ చేస్తున్నాడు.