సిద్ధార్థ్, హన్సికలు ‘ఓ మై ఫ్రెండ్ ‘ చిత్రం తర్వాత రెండో సారి సుందర్ సి దర్శకత్వంలో వస్తున్న చిత్రంలో జతకట్టనున్నారు. కుష్బూ నిర్మిస్తున్న ఈ చిత్రానికి తమిళంలో ‘తీయ వెలై సెయ్యినుమ్ కుమారు’ అనే పేరు పెట్టారు. ఈ చిత్రం తెలుగులో కూడా విడుదల కానుంది. ఈ చిత్రం తెలుగు వెర్షన్ కి ‘సమ్ థింగ్ సమ్ థింగ్ ‘ అని పేరు పెట్టారు.తమిళ్ లో సంతానం పోషించిన పాత్రని తెలుగులో బ్రహ్మానందం పోషించనున్నారు. ప్రస్తుతం హైదరాబాద్లో షూటింగ్ జరుపుకుంటున్న ఈ రొమాంటిక్ ఎంటర్టైనర్లో గణేష్ వెంకటరామన్ ముఖ్య పాత్ర పోషిస్తున్నారు. సిద్ధార్థ్, హన్సిక, గణేష్ వెంకటరామన్ సాఫ్ట్ వేర్ ఇంజనీర్లుగా నటిస్తున్నారని వినికిడి. తెలుగు లో లక్ష్మి గణపతి ఫిల్మ్స్ పంపిణి చెయ్యబోతున్న ఈ చిత్రం మేలో విడుదల అవుతుందని సమాచారం .