ప్రస్తుతం యంగ్ టైగర్ ఎన్టీఆర్ దర్శక ధీరుడు రాజమౌళితో “రౌద్రం రణం రుధిరం” అనే భారీ బడ్జెట్ పాన్ ఇండియన్ మల్టీస్టారర్ చిత్రం లో నటిస్తున్న సంగతి తెలిసిందే. మరి అలాగే దీనితో తర్వాత మాటల మాంత్రికుడు త్రివిక్రమ్ శ్రీనివాస్ తో ఓ సినిమాను ప్లాన్ చేసారు. ఆల్రెడీ అది కన్ఫర్మ్ అయ్యింది, అయితే యంగ్ టైగర్ ఈ రెండు ఇంకా లైన్ లో ఉండగానే మరో సెన్సేషనల్ దర్శకుడు ప్రశాంత్ నీల్ తో ఓ సినిమాను ఒప్పుకున్నారని టాక్ వచ్చింది.
ఎన్టీఆర్ మాస్ కాలిబర్ కు తగ్గ కథను నీల్ సిద్ధం చేసాడని తెలిసింది. దీనితో ఈ కాంబోపై ఒక్కసారిగా భారీ అంచనాలు నెలకొన్నాయి. కానీ అనూహ్యంగా అది కాస్త దూరం అయ్యి అసలు ఉందా లేదా అన్న సంశయం మొదలయ్యింది. అయితే ఇప్పుడు ఈ సెన్సేషనల్ ప్రాజెక్ట్ కు సంబంధించి ఓ అప్డేట్ బయటకు వచ్చింది.
తాజాగా దర్శకుడు ప్రశాంత్ నీల్ భార్య లిఖితా రెడ్డి నిర్వహించిన ఇన్స్టాగ్రామ్ చాట్ సెషన్ లో ఈ మాస్ కాంబోపై క్లారిటీ ఇచ్చారు. దాదాపు ప్రశాంత్ నీల్ నెక్స్ట్ ప్రాజెక్ట్ ఎన్టీఆర్ తోనే ఉంటుంది అని దాన్ని రైట్ టైం లో అనౌన్స్ చేస్తారని క్లారిటీ ఇచ్చారు. సో ఈ పవర్ ఫుల్ ప్రాజెక్ట్ ఎట్టి పరిస్థితుల్లో ఉండటం కన్ఫర్మ్ అని చెప్పాలి.
