మళ్ళీ రావా చిత్రం తో చాలా కాలం తరువాత విజయాన్ని అందుకున్న సీనియర్ హీరో సుమంత్ నటించిన తాజా చిత్రం ‘ఇదం జగత్’ విడుదలకు సిద్దమవుతుంది. ప్రస్తుతం పోస్ట్ ప్రొడక్షన్స్ పనులను జరుపుకుంటున్న ఈ చిత్రం డిసెంబర్ 14న ప్రేక్షకులముందుకు రానుంది. సస్పెన్స్ థ్రిల్లర్ గా రానున్న ఈచిత్రం ఫై సుమంత్ భారీ ఆశలు పెట్టుకున్నాడు. నూతన దర్శకుడు అనిల్ శ్రీకంఠం తెరకెక్కిస్తున్న ఈ చిత్రంలో అంజు కురియన్ కథానాయికగా నటిస్తుంది.
గూఢచారి ఫేమ్ శ్రీ చరణ్ పాకాల సంగీతం అందిస్తున్న ఈ చిత్రాన్ని జొన్నలగడ్డ పద్మావతీ, గంగపట్నం శ్రీధర్ సంయుక్తంగా నిర్మిస్తున్నారు. ఇక ఈచిత్రం తో పాటు సుమంత్ నటిస్తున్న 25వ చిత్రం ‘సుబ్రహ్మణ్యపురం’ కూడా డిసెంబర్ 7న విడుదలకానుంది. ఇలా వారం రోజుల వ్యవధిలో రెండు చిత్రాలతో థియేటర్లలో సందడి చేయనున్నాడు సుమంత్.