ఎస్ జి ఎస్ వి మూవీస్ పతాకంపై ఎం. పవన్ కుమార్ నిర్మాణంలో, నర్తు చిరంజీవి దర్శకత్వంలో తెరకెక్కిన సస్పెన్స్ యాక్షన్ ఫ్యామిలీ ఎంటర్టైనర్ చిత్రం ‘సుగ్రీవ’. బాలు చరణ్, కాజల్ తివారీ హీరో హీరోయిన్లుగా నటించిన ఈ సినిమా సెన్సార్తో సహా అన్ని కార్యక్రమాలను పూర్తి చేసుకుని ఏప్రిల్ 24న ప్రేక్షకుల ముందుకు రానుంది.
ఈ సందర్భంగా చిత్ర బృందం మాట్లాడుతూ.. ఆనందంగా జీవిస్తున్న ఒక కుటుంబంలో ఎదురయ్యే అనుకోని సంఘటనలు, వాటి వల్ల వారు ఎలాంటి పరిస్థితులను ఎదుర్కొన్నారు అనే ఇతివృత్తంతో ఈ సినిమాను రూపొందించినట్లు తెలిపారు. నిర్మాత ఎం. పవన్ కుమార్ ఎక్కడా రాజీ పడకుండా ఈ చిత్రాన్ని నిర్మించారని, దర్శకుడు నర్తు చిరంజీవి టేకింగ్ అద్భుతంగా ఉందని వారు పేర్కొన్నారు.
యాక్షన్ సన్నివేశాలతో పాటు, గోవా, వైజాగ్ లాంటి అందమైన లొకేషన్లలో చిత్రీకరించిన పాటలు ఈ సినిమాకు ప్రత్యేక ఆకర్షణగా నిలవనున్నాయి. సారథి స్టూడియోస్లో డీఐ, సెన్సార్ పనులు పూర్తి చేసుకున్న ఈ చిత్రంలో సాయి కృప, సుమన్ శెట్టి, ఆర్ఎక్స్ 100 కరణ్ విజయ్, గగన గీతిక తదితరులు కీలక పాత్రలు పోషించారు.
