మలయాళం స్టార్ హీరో పృథ్వీ రాజ్ సుకుమారన్ (Prithviraj Sukumaran) ప్రధాన పాత్రలో, డైరెక్టర్ బ్లెస్సి దర్శకత్వం లో తెరకెక్కిన సర్వైవల్ థ్రిల్లర్ ది గోట్ లైఫ్ (The Goat life). తెలుగు లో ఆడు జీవితం గా థియేటర్ల లోకి వచ్చింది. ఈ చిత్రం తొలి షో నుండే పాజిటివ్ టాక్ ను సొంతం చేసుకుంది. ఈ చిత్రం బాక్సాఫీస్ వద్ద మంచి వసూళ్లతో దూసుకు పోతుంది. మూడు రోజుల్లోనే ఈ చిత్రం 50 కోట్ల రూపాయల క్లబ్ లో చేరింది. ఇదే విషయాన్ని మేకర్స్ సరికొత్త పోస్టర్ ద్వారా వెల్లడించారు.
ఈ చిత్రం రిలీజైన అన్ని బాషల్లో కలిపి ఈ వసూళ్లను రాబట్టింది. అమలా పాల్ ఫీమేల్ లీడ్ రోల్ లో నటించిన ఈ చిత్రంను తెలుగులో, మైత్రి మూవీ మేకర్స్ బ్యానర్ విడుదల చేయడం జరిగింది. జిమ్మీ జీన్ – లూయిస్, రిక్ అబీ తదితరులు కీలక పాత్రలు పోషించిన ఈ చిత్రాన్ని విజువల్ రొమాన్స్ ఇమేజ్ మేకర్స్, జెట్ మీడియా ప్రొడక్షన్ మరియు ఆల్టా గ్లోబల్ మీడియా నిర్మించాయి. ఆస్కార్ అవార్డు విన్నర్ రెహమాన్ ఈ సినిమాకి సంగీతం అందించారు.