టాలీవుడ్ నటుడు నారా రోహిత్ హీరోగా ప్రముఖ జర్నలిస్ట్ మూర్తి దర్శకుడిగా పరిచయం అవుతున్న తాజా సినిమా ప్రతినిధి 2. ప్రతినిధి సిరీస్ నుండి వస్తున్న ఈ రెండో ఫ్రాంచైజీ సినిమా పై అందరిలో మంచి అంచనాలున్నాయి. ఈ నెల 25న ఈ సినిమా థియేటర్లలో విడుదల కానుంది. ఈ సినిమాలో నిజాయితీ గల న్యూస్ రిపోర్టర్ పాత్రలో నారా రోహిత్ కనిపించనుండగా ఆయనకు జోడీగా సిరీ లెల్లా హీరోయిన్ గా నటిస్తున్నారు.
వానరా ఎంటర్టైన్మెంట్స్, రానా ఆర్ట్స్ బ్యానర్స్ పై కుమార్ రాజా బత్తుల నిర్మించిన ఈ సినిమా నుండి మొదటి సింగిల్ గల్లా యెత్తి ఇటీవల విడుదల చేయగా మంచి రెస్పాన్స్ అందుకుంది. ఈ మాస్ నంబర్ ను మహతి స్వర సాగర్ కంపోజ్ చేసారు. విషయం ఏమిటంటే కొద్దిసేపటి క్రితం ప్రతినిధి 2 ట్రైలర్ ని రిలీజ్ చేసారు మేకర్స్. తాజా రాజకీయ పరిస్థితులు, రాజకీయ నాయకులు వ్యవహరిస్తున్న తీరుని ప్రశ్నించే అంశాలతో ఇంట్రెస్టింగ్ గా ఈ ట్రైలర్ రూపొందింది.
ఇందులో నారా రోహిత్ యాక్టింగ్, డైలాగ్స్, విజువల్స్, యాక్షన్ సీన్స్, ఫైట్స్, బ్యాక్ గ్రౌండ్ స్కోర్ ఆకట్టుకున్నాయి. మొత్తంగా ప్రతినిధి 2 ట్రైలర్, మూవీ పై ఇప్పటివరకు ఉన్న అంచనాలు మరింతగా పెంచింది. ఇంకా ఈ సినిమాలో తేజ్, సప్తగిరి, జిషు సేన్‌గుప్తా, సచిన్ ఖేడేకర్, తనికెళ్ల భరణి, ఇంద్రజ, ఉదయ భాను, అజయ్ గోష్, అజయ్, ప్రవీణ్, పృధ్వీ రాజ్, రఘు బాబు, రఘు కారుమంచి కీలక పాత్రల్లో కనిపించనున్నారు.
