తేజ సజ్జ ప్రధాన పాత్రలో, డైరెక్టర్ ప్రశాంత్ వర్మ దర్శకత్వంలో తెరకెక్కిన హను మాన్ (Hanuman) చిత్రం బాక్సాఫీస్ వద్ద భారీ బ్లాక్ బస్టర్ గా నిలిచింది. ఈ చిత్రం తర్వాత జై హను మాన్ ను ప్రకటించి టాక్ ఆఫ్ ది ఇండస్ట్రీ గా మారిపోయారు ప్రశాంత్ వర్మ. ప్రశాంత్ వర్మ సినిమాటిక్ యూనివర్స్ (PVCU) తో తన మార్క్ స్టైల్ ను చూపించేందును పక్కా ప్లాన్ తో దూసుకు పోతున్నారు.
బాలీవుడ్ ప్రముఖ నటుడు రణవీర్ సింగ్‌కి దర్శకుడు కథను అందించినట్లు ఇటీవలి ఆన్‌లైన్ పుకార్లు సూచిస్తున్నాయి. లేటెస్ట్ బజ్ ప్రకారం, ఈ సినిమా పూజా కార్యక్రమాలు ఇప్పటికే జరిగాయి, దీనికి అధికారికంగా రాక్షస్ అనే టైటిల్ ను ఖరారు చేసినట్లు తెలుస్తోంది. ప్రశాంత్ వర్మ విజన్ కి రణ్వీర్ సింగ్ ముగ్ధుడయ్యాడని, వెంటనే సినిమాలో భాగం కావడానికి అంగీకరించాడని పుకారు ఉంది. రణవీర్ పాత్రలో నెగటివ్ షేడ్స్ ఉంటాయని సమాచారం. అయితే దీనిపై అధికారిక ప్రకటన కోసం అంతా ఎంతో ఆసక్తిగా ఎదురుచూస్తున్నారు.