పవర్ స్టార్ పవన్ కళ్యాణ్ అభిమానులు ఎంతగానో ఎదురు చూస్తున్న కం బ్యాక్ చిత్రం “వకీల్ సాబ్”. దర్శకుడు శ్రీరామ్ వేణు తెరకెక్కిస్తున్న ఈ చిత్రం కోసం పవన్ అభిమానులు చాలా కాలం నుంచి ఎదురు చూస్తున్నారు. అయితే ఈ చిత్రానికి సంబంధించి విడుదల చేసిన లేటెస్ట్ మోషన్ పోస్టర్ టీజర్ కు మరియు ఆ పోస్టర్ కు అనూహ్య స్పందన వచ్చింది. దీనితో ఈ చిత్రంపై మరిన్ని అంచనాలు పెరిగాయి.
అయితే అసలు ఈ చిత్రం ఎప్పుడు విడుదల అవుతుంది అన్నది ఒక ప్రశ్నగా మారింది. ఇంకా అతి తక్కువ షూట్ నే మిగుల్చుకున్న ఈ చిత్రం పవన్ డిసెంబర్ లో ఇచ్చిన డేట్స్ తో ముగియనుంది. ఇక ఎలాగో అప్పటికి షూట్ అయ్యిపోతుంది, మరో పక్క ఇప్పటి వరకు జరిగిన షూట్ ఎడిటింగ్ వర్క్ కూడా పూర్తయినట్టు తెలుస్తుంది. మరి ఆ మిగిలి ఉన్న భాగం కూడా పూర్తయినప్పటికీ సినిమా ఎప్పుడు విడుదల అవుతుంది అన్నది పూర్తిగా థియేటర్స్ తెరుచుకునే దాని మీదనే ఆధారపడి ఉన్నట్టు తెలుస్తుంది. దానిని బట్టే చిత్ర యూనిట్ ఒక టైం ను లాక్ చేసుకోనున్నట్టుగా ఇప్పుడు టాక్.