తమిళ స్టార్ హీరో విజయ్ సేతుపతి సోలో హీరోగానే కాకుండా పెద్ద హీరోల సినిమాల్లో కూడా నటిస్తున్న సంగతి తెలిసిందే. ప్రస్తుతం విజయ్ కొత్త సినిమాలో నటిస్తున్న ఆయనకు కమల్ హాసన్ యొక్క ‘ఇండియన్-2’లో కూడా నటించే ఛాన్స్ దొరికింది. కానీ డేట్స్ కుదరక ఆ సినిమాకి ఒప్పుకోలేకపోయిన ఆయన ఒక ఈవెంట్లో మాట్లాడుతూ ఈ విషయాన్ని ప్రస్తావించి మరోసారి తనకు అవకాశం ఇవ్వాలని కోరారు.
దీంతో అప్పటి నుండి ‘ఇండియన్-2’లో విజయ్ సేతుపతి నెగెటివ్ రోల్ చేస్తున్నారనే వార్తలు మొదలయ్యాయి. అయితే తమిళ సినీ వర్గాల సమాచారం మేరకు విజయ్ సేతుపతి ఈ చిత్రంలో నటించట్లేదని రూఢీ అయింది. దీంతో రూమర్లకు చెక్ పడింది. ఇకపోతే విజయ్ సేతుపతి తెలుగులో ‘ఉప్పెన’ చిత్రంలో నెగెటివ్ రోల్ చేస్తున్నారు. అలాగే అల్లు అర్జున్, సుకుమార్ సినిమాలో విలన్ రోల్ చేసే అవకాశం ఉందనే టాక్ కూడా ఉంది.