మెగాస్టార్ చిరంజీవి అభిమానులకు ‘కాకా’ గ్లింప్స్’ రూపంలో మంచి ట్రీట్ అందింది. పైగా కాకా చిత్రాన్ని 2027 జనవరి 13న థియేటర్లలో విడుదల చేయనున్నట్లు కూడా ప్రకటించారు. అయితే, ‘విశ్వంభర’ సినిమా విషయంలో మాత్రం ఫ్యాన్స్ కి నిరాశే మిగిలింది. వాస్తవానికి ఈ చిత్రం 2025 జనవరిలో విడుదల కావాల్సి ఉండగా, వాయిదా పడింది. ఆ తర్వాత కూడా రిలీజ్ పై చాలా రూమర్స్ వినిపించాయి. కానీ, విడుదల తేదీ పై క్లారిటీ లేదు.

ఐతే, చిరు పుట్టినరోజు ప్రత్యేక సందర్భంలో అయినా ఈ సినిమా విడుదల తేదీ పై ప్రకటన వస్తోందని ఆసక్తిగా ఎదురుచూసిన మెగా అభిమానులకు మళ్లీ నిరాశను కలిగించింది. 2026 అక్టోబర్ 16న ఈ సినిమా విడుదలయ్యే అవకాశం ఉందని సినీ వర్గాల్లో చర్చ జరుగుతోంది, అయినప్పటికీ, చిత్ర బృందం తాజాగా ఇచ్చిన ప్రచార అప్‌డేట్‌లో దీనిని అధికారికంగా ధృవీకరించలేదు. మరి ‘విశ్వంభర’ కోసం మెగా ఫ్యాన్స్ ఇంకా ఎన్నాళ్ళు ఎదురుచూడాలో.

దర్శకుడు వశిష్ట దర్శకత్వంలో రాబోతుంది ఈ చిత్రం. ఈ భారీ చిత్రానికి ఆస్కార్ విన్నర్ కీరవాణి సంగీతం అందిస్తుండగా యూవీ క్రియేషన్స్ వారు భారీ బడ్జెట్ తో నిర్మాణం వహిస్తున్నారు. ఈ చిత్రంలో త్రిష, ఆషిక రంగనాథ్, రమ్య పసుపులేటి, ఇషా చావ్లా మరియు అశ్రిత వేముగంటి నండూరి కూడా కీలక పాత్రల్లో నటిస్తున్నారు.