మొదట నటులుగా ఎంట్రీ ఇచ్చి .. ఆ తరువాత దర్శకులుగా మరి సక్సెస్ ఫుల్ చిత్రాలు తీసిన యంగ్ టాలెంటెడ్ డైరెక్టర్స్ ప్రస్తుతం చాలామందే ఉన్నారు. అవసరాల శ్రీనివాస్‌, అడివి శేష్, వెన్నెల కిశోర్‌, పోసాని కృష్ణమురళి ఇటీవలే రాహుల్ రవీంద్రన్‌ ఇలా చాలామందే ఉన్నారు. ఈ లిస్ట్‌లోకి మరో యంగ్ హీరో విశ్వక్‌సేన్‌ కూడా రాబోతున్న విషయం తెలిసిందే.తరుణ్ భాస్కర్ దర్శకత్వంలో తెరకెక్కిన ఈ నగరానికి ఏమైంది..? చిత్రంతో మంచి గుర్తింపు తెచ్చుకున్నాడు విశ్వక్‌సేన్‌.

కాగా విశ్వక్‌సేన్‌ త్వరగా డైరెక్టర్ గా మారేందుకు.. స్క్రిప్ట్ రెడీ అయింది. ‘అంగమలై డైరీస్‌’ అనే మలయాళ చిత్రాన్ని తెలుగలోకి రీమేక్‌ చేస్తున్నాడు. ఆ స్క్రిప్ట్ కు సంబంధించే మార్పులు చేర్పులనే విశ్వక్‌సేన్‌ పూర్తి చేశారట. సాధ్యమైనంత త్వరగా తన డైరెక్షన్ లో సినిమా స్టార్ట్ చెయ్యాలని విశ్వక్‌సేన్‌ ప్రయత్నిస్తున్నట్లు తెలుస్తోంది. విశ్వక్‌సేన్‌ కు గతంలో షార్ట్‌ ఫిలింస్‌ ను తీసిన అనుభవం ఉంది.