యువ నటుడు విశ్వక్సేన్ హీరోగా చాందిని చౌదరి హీరోయిన్ గా విద్యాధర్ కాగిత దర్శకత్వంలో తెరకెక్కిన లేటెస్ట్ అడ్వెంచరస్ యాక్షన్ మూవీ గామి. ఇటీవల మంచి అంచనాలతో ఆడియన్స్ ముందుకి వచ్చిన గామి పర్వాలేదనిపించే విజయం మాత్రమే అందుకుంది. ఇక తాజాగా ఈ మూవీ ప్రముఖ ఓటిటి మాధ్యమం జీ 5 ద్వారా ఓటిటి ఆడియన్స్ ముందుకి వచ్చింది. కాగా మ్యాటర్ ఏమిటంటే, ఈ మూవీ కోసం జీ 5 వారు వినూత్నంగా ఒక స్ట్రాటజీ ద్వారా ప్రమోట్ చేసారు.
హిమాలయాల్లోని మంచు ప్రదేశాల్లో ఈ మూవీ చిత్రీకరించబడడంతో వాటిని ప్రతిబింబించేలా చిన్న మంచు పర్వతాలను క్రియేట్ చేసారు. ఇక తమ మూవీ ఓటిటి ప్రమోషన్స్ లో పాల్గొన్న హీరో విశ్వక్, డైరెక్టర్ విద్యాధర్ ఇద్దరూ మాట్లాడుతూ, ఈ విధంగా గామి కోసం జీ 5 వారు ప్రమోట్ చేస్తున్న విధానం ఎంతో బాగుందని, థియేటర్స్ లో ఆకట్టుకున్న ఈ మూవీ ఆడియన్స్ ని ఓటిటి లో మరింతగా అలరిస్తుందని అభిప్రాయపడ్డారు. హీరో విశ్వక్ సేన్ అఘోరాగా కనిపించిన ఈ మూవీలో అభినయ, హారిక పెద్ద, మొహమ్మద్ సమద్ తదితరులు కీలక పాత్రలు పోషించారు.