స్టైలిష్ స్టార్ అల్లు అర్జున్ ‘ఇద్దరమ్మాయిలతో’ సినిమా వచ్చే నెలలో విడుదలకు సిద్ధమవుతోంది. భారీగా తరలి వచ్చిన తారల నడుమ ఈ సినిమా ఆడియో నిన్న విడుదలయింది. దేవి శ్రీ ప్రసాద్ – అల్లు అర్జున్ కాంబినేషన్లో వస్తున్న సినిమా కావడంతో ఈ సినిమా మ్యూజిక్ పై భారీ అంచనాలు అంచనాలు నెలకొన్నాయి. మరి ఇప్పుడు ఆ ఆల్బమ్ ఎలా వుందో చూద్దాం..
1. పాట: రన్ రన్
గాయనీ గాయకులు : అపాచే ఇండియన్, షర్మిల
సాహిత్యం : రామజోగయ్య శాస్త్రి
అపాచే ఇండియన్ చాలా కాలం తరువాత తెలుగు సంగీత ప్రపంచంలోకి తిరిగివచ్చాడు. మీకు అపాచే ఇండియన్ ఎవరో తెలియకపోతే ప్రభుదేవా ‘నో ప్రాబ్లెమ్’ ను చూడండి. విన్న వెంటనే ఎక్కే రీతిలో ఈ ‘రన్ రన్’ పాటను ‘ఇద్దరమ్మాయిలతో’ సినిమాకుగానూ దేవీ అందించాడు. అపాచే ఇండియన్ తన గళంతో అందరినీ విస్మయపరిచాడు. రామజోగయ్య శాస్త్రి రాసిన సాహిత్యం ఆసక్తికరంగా ఉంది. మొత్తానికి అందరికీ విన్న ఒక్కసారికే నచ్చేసే పాట. ఈ పాటలో అల్లు అర్జున్ నుండి అద్బుతమైన స్టెప్పులు ఆశించవచ్చు.
2. పాట: శంకరాభరణంతో
గాయనీ గాయకులు : మనో, సుచిత్ర సురేశన్, రనినా రెడ్డి
సాహిత్యం : దేవి శ్రీ ప్రసాద్
3. పాట : వయోలిన్ సాంగ్
గాయనీ గాయకులు : డేవిడ్ సిమోన్, అనిత
సాహిత్యం : విశ్వ, డేవిడ్ సిమొన్
ఈ సినిమా ఆడియో విడుదలకు ముందే ఈ వయోలిన్ ట్యూన్ చాలా పాపులర్ అయ్యింది. ఈ పాట వింటుంటే వినసొంపుగా సాగిపోయే రొమాంటిక్ డ్యూయెట్ అని తెలిసిపోతోంది. దీన్ని మెచ్చుకోకుండా ఉండలేము. అనిత, డేవిడ్ సిమోన్ సాహిత్యానికి తగ్గట్టుగా తమ గాత్రాన్ని అందించారు. ఈ పాట లోని ఫీల్ ని తెలియజేయడానికి అనిత గాత్రం ఎంతగానో తోడ్పడింది. దేవీ సంగీతం మెలోడియస్ గా సాగిపోతుంది. మొత్తానికి ఇదొక అందమైన పాట.
4. పాట : గణపతి బప్పా
గాయకుడు : సూరజ్ జగన్
సాహిత్యం : భాస్కర భట్ల
5. పాట:టాప్ లేచిపోద్ది
గాయనీ గాయకులు : సాగర్, గీతా మాధురి
సాహిత్యం : భాస్కర భట్ల
తీర్పు :
‘ఇద్దరమ్మాయిలతో’ సినిమాకుగాను దేవి శ్రీ ప్రసాద్ కొన్ని ఆసక్తికరమైన ట్యూన్స్ తో మన ముందుకు వచ్చాడు. ఈ ఆల్బంలో ‘రన్ రన్’ పాటకు మొదటి స్థానం ఇవ్వచ్చు. ఈ పాటను అపాచే ఇండియన్ పాడిన విధానం, శాస్త్రి గారి లిరిక్స్ మనల్ని కట్టిపడేస్తాయి. ఈ పాటేకాక ‘వయోలిన్ పాట’ , ‘శంకరాభరణంతో’ పాట ప్రాముఖ్యతను సంతరించుకుంటాయి. సి క్లాసు ప్రేక్షకులకు మాత్రం ‘టాప్ లేచిపోద్ది’ పాట బాగా నచ్చుతుంది. అల్లు అర్జున్ అద్బుతమైన డాన్సర్ కాబట్టి అతను ‘రన్ రన్’ పాటలో తన ప్రతిభనంతా చూపించి వుంటాడని ఆశతో ఎదురుచూస్తున్నా.
ఆడియో రివ్యూ : మహేష్ ఎస్ కోనేరు
అనువాదం : వంశీ కృష్ణ