‘లెజెండ్’ సినిమాతో తన కెరీర్లో బిగ్గెస్ట్ హిట్ అందుకున్న నందమూరి బాలకృష్ణ త్వరలో ఎమ్మెల్యేగా ప్రమాణ స్వీకారం చేయనున్నాడు. ఇది కాకుండా ఆయన హీరోగా చేయనున్న మరో సినిమా ఇటీవలే లాంఛనంగా ప్రారంభమైంది. ఈ సినిమా రెగ్యులర్ షూటింగ్ ఈ నెలాఖరు అనగా జూన్ 30 నుంచి ప్రారంభం కానుంది. ఈ చిత్ర ప్రొడక్షన్ టీం సినిమాని శరవేగంగా పూర్తి చేయాలని ప్లాన్ చేస్తున్నారు.
నందమూరి బాలకృష్ణ సరసన మొదటిసారిగా త్రిష హీరోయిన్ గా నటిస్తున్న ఈ సినిమాకి సత్యదేవా డైరెక్టర్. లెజెండ్ లో లానే ఈ సినిమాలో కూడా బాలకృష్ణ ద్విపాత్రాభినయం చేయనున్నాడని, అందులో ఓ పాత్ర మరింత పవర్ఫుల్ గా ఉంటుందని సమాచారం. ప్రస్తుతం ఈ సినిమాకి ‘గాడ్ సే’ అనే టైటిల్ ని పరిశీలిస్తున్నారు. ఇద్దరు హీరోయిన్స్ ఉన్న ఈ సినిమాలో మరో హీరోయిన్ ని ఎంపిక చేయాల్సి ఉంది.
