సన్నీ లియోన్, యోగేష్, సహితి దాసరి, అకృతి అగర్వాల్ ప్రధాన పాత్రల్లో నటించిన ‘త్రిముఖా’ (Trimukha) చిత్రం నుంచి హుషారైన పాట “గిప్పా గిప్పా” విడుదలైంది. నూతన సంవత్సర వేడుకలకు జోష్ నింపేలా ఉన్న ఈ పాట, విడుదలైన కొద్దిసేపటికే సోషల్ మీడియాలో ట్రెండ్ అవుతూ ప్రేక్షకులను విశేషంగా ఆకట్టుకుంటోంది.
పాటకు వస్తున్న అద్భుతమైన స్పందన పట్ల నిర్మాతలు హర్షం వ్యక్తం చేశారు. సన్నీ లియోన్కు ఉన్న విపరీతమైన క్రేజ్ ఈ పాట విజయంతో మరోసారి రుజువైందని, ప్రేక్షకులు ఈ గీతాన్ని రిపీట్ మోడ్లో ఆస్వాదిస్తున్నారని వారు తెలిపారు. ఈ పాటతో సినిమాపై అంచనాలు మరింత పెరిగాయని చిత్రబృందం పేర్కొంది. అన్ని కార్యక్రమాలను పూర్తి చేసుకుని, ‘త్రిముఖా’ చిత్రాన్ని జనవరి 2, 2026న గ్రాండ్గా విడుదల చేయనున్నారు.
