కొన్నాళ్ల కితం వరకు థియేట్రికల్ గా సాలిడ్ హిట్ ని కోరుకున్న స్టార్ హీరోస్ లో సూర్య కూడా ఒకరు. తన చిత్రాలు రెండు ఓటిటిలో సక్సెస్ అయ్యాయి కానీ థియేట్రికల్ గా తీసిన సినిమాలు వరుసగా ప్లాప్ అయ్యాయి. అయితే ఈ 2026 మాత్రం సూర్యకి లక్కీ సంవత్సరం అని చెప్పాల్సిందే.
తనకి సరైన హిట్ లేదు అనుకుంటే ఈ ఏడాదిలో కోలీవుడ్ హైయెస్ట్ గ్రాసర్ గా మాత్రమే కాకుండా భారీ లాభాలు అందించిన సినిమాగా ‘కరుప్పు’తో నిలిచాడు. ఇక ఈ సినిమా ట్రీట్ తర్వాత సూర్య నుంచి ఇదే ఏడాదిలో రెండో సినిమా విడుదల కానుంది.
తెలుగు దర్శకుడు వెంకీ అట్లూరితో చేస్తున్న విశ్వనాథ్ అండ్ సన్స్ సినిమా ఈ ఆగస్టులో విడుదల కానుండగా ఇప్పుడు క్రేజీ బజ్ ఏంటంటే ఈ ఏడాదిలోనే తన నుంచి మూడో సినిమా కూడా విడుదల కానున్నట్టు కోలీవుడ్ వర్గాలు చెబుతున్నాయి.
మలయాళ దర్శకుడు జీతూ మాధవన్ తో సూర్య కెరీర్ 47వ సినిమాగా చేశారు. ఈ సినిమాని ఈ ఏడాది దీపావళి కానుకగా విడుదల చేయనున్నట్టు ఫ్రెష్ బజ్ వినిపిస్తుంది. సో ఈ ఏడాది మాత్రం సూర్య ఫ్యాన్స్ కి ట్రిపుల్ ట్రీట్ రాబోతుంది అని చెప్పవచ్చు. దీనిపై అధికారిక ప్రకటన త్వరలోనే రానుందట.
