సూపర్ స్టార్ మహేష్ బాబు ఇంటర్నేషనల్ మార్కెట్ హీరోగా రూపాంతరం చెందుతున్న సంగతి తెలిసిందే. తన నుంచి ఎన్నో ఏళ్ళు నుంచి ఎదురు చూస్తున్న హాలీవుడ్ ఎంట్రీ రేంజ్ సినిమాగా “వారణాసి”తో దర్శక ధీరుడు ఎస్ ఎస్ రాజమౌళి తెరకెక్కిస్తున్న ఈ సినిమా గ్రాండ్ లెవెల్లో తెరకెక్కుతుంది. ఇక ఈ సినిమా టైటిల్ గ్లింప్స్ తోనే ఆల్రెడీ వరల్డ్ సినిమా దగ్గర ఈ చిత్రం హాట్ టాపిక్ గా కూడా మారింది.
అయితే బిగ్ స్క్రీన్స్ లో వారణాసి ట్రీట్ ఇప్పుడు అంతగా కనిపించడం లేదు. కేవలం ఒకటీ రెండు స్క్రీన్స్ లో పర్శనల్ గా కొందరు యాజమాన్యం ఈ సినిమా గ్లింప్స్ లో ప్లే చేస్తున్నారు కానీ సింగిల్ స్క్రీన్స్ ఇంకా మరిన్ని మల్టీప్లెక్స్ లాంటి వాటిలో వారణాసి గ్లింప్స్ ఇంకా రాలేదు. కానీ మహేష్ బాబు అభిమానులకి ఇప్పుడు “మురారి”(Murari ) రూపంలో ట్రీట్ రానుందట.
ఈ 31న మురారి రీరిలీజ్ కి వస్తున్న సంగతి తెలిసిందే. మరి ఈ సినిమా స్క్రీన్స్ లో వారణాసి గ్లింప్స్ ప్లే అయ్యేలా ప్లాన్ చేస్తున్నారట. ఆల్రెడీ టీజర్ సెన్సార్ కూడా కంప్లీట్ చేసుకున్నట్టు తెలుస్తుంది. సో మురారి (Murari ) ప్రింట్స్ తో పాటుగా వారణాసి అటాచ్ అయ్యి రాబోతుంది అని చెప్పాలి. మరి ఇది నిజమైతే ఫ్యాన్స్ పెద్ద పండుగే అని చెప్పవచ్చు.